Khmer

អង្គការ CAP ផ្តល់សេវាពិគ្រោះយោបល់និងធ្វើជាអ្នកតំណាងដោយឯករាជ្យសម្រាប់អ្នកដាក់ពាក្យសុំសិទ្ធិជ្រកកោនពី​ឧត្តម​ស្នង​ការ​អង្គការ​សហប្រជាជាតិ​ទទួល​បន្ទុក​ជន​ភៀស​ខ្លួន (UNHCR)ប្រទេសថៃ។ សេវាកម្មរបស់យើងខ្ញុំគឺផ្តល់ជូនដោយមិនគិតថ្លៃនិងបើកទ្វារជូនជនភៀសខ្លួននិងអ្នកសុំសិទ្ធិជ្រកកោនគ្រប់ជនជាតិនៅប្រទេសថៃ។​ការងាររបស់យើងគឺផ្តោតលើការផ្តល់ប្រឹក្សាយោបល់និងភាពជាតំណាងសម្រាប់អ្នកចង់ដាក់ពាក្យបណ្តឹងឧទ្ធរណ៍ជំទាស់ចំពោះការសម្រេចចិត្តពីអង្គការ UNHCR រួមទាំងផ្តល់សេវាការពារ។

ស្វែងយល់ អំពីសេវាកម្មរបស់យើងខ្ញុំ

អង្គការ CAP អាចផ្តល់សេវាដូចខាងក្រោមនេះ

  • ផ្តល់ការប្រឹក្សាយោបល់ និងធ្វើជាអ្នកតំណាងសម្រាប់អ្នកសុំសិទ្ធិជ្រកកោននៅតំណាក់កាលដាក់ពាក្យបណ្តឹងឧទ្ធរណ៍ហើយពេលខ្លះសម្រាប់អ្នកដែលចង់សើរើសំណុំរឿងឡើងវិញដែលបានបិទចោល គឺអាស្រ័យតាមស្ថានភាពបុគ្គលនីមួយៗនិងសមត្ថភាព
  • ផ្តល់ការគាំទ្រការពារអ្នកសុំសិទ្ធិជ្រកកោននិងជនភៀសខ្លួនដែលរួមបញ្ចូលទាំងការសេវាគាំទ្រសម្រាប់អ្នកដែលធ្លាប់ត្រូវបានគេចាប់ខ្លួន  អ្នករងអំពើហិង្សាក្នុងគ្រួសារ និងអំពើហិង្សាផ្លូវភេទ ហើយនិងបញ្ហាផ្សេងទៀតដែលត្រូវការការពារ
  • ផ្តល់ព័ត៌មានដើម្បីពង្រឹងភាពអង់អាចនិងសេវាគាំទ្រដល់អ្នកសុំសិទ្ធិជ្រកកោនទើបមកដល់ថ្មីនៅទីក្រុងបាងកករួមទាំងដំបូន្មានអំពីការរស់នៅក្នុងប្រទេសថៃ និង ដំណើរការកំណត់ឋានៈជាជនភៀសខ្លួន

 

អង្គការ CAP មានសមាជិកក្រុមការងារតូច ហើយយើងនឹងពិចារណាទៅតាមករណីនីមួយៗ ថាតើយើងអាចផ្តល់ឬមិនផ្តល់ជំនួយទៅតាមសំណុំរឿងទាំងនោះ ។ ដំបូន្មាននិងសេវាកម្មទាំងអស់ត្រូវបានរក្សាការសម្ងាត់។

ទោះជាយ៉ាងណា យើងមិនអាចផ្តល់ដំបូន្មានចំពោះបញ្ហាផ្សេងទៀតក្រៅតែពីការដាក់ពាក្យសុំសិទ្ធិជ្រកកោនទៅកាន់អង្គការ UNHCR នៅប្រទេសថៃនិងការការពារជនភៀសខ្លួននោះឡើយ។ យើងមិនអាចផ្តល់ការឧបត្ថម្ភជាប្រាក់កាសឬជំនួយវេជ្ជសាស្រ្តឡើយ។

ការស្នើសុំការប្រឹក្សាយោបល់

អង្គការ CAP អាចជួបតែជាមួយនឹងអតិថិជនដែលបានធ្វើការណាត់ទុកជាមុនប៉ុណ្ណោះ គឺ មិនអាចចូលមកការិយាល័យដោយភ្លាមៗនោះទេ។ សូមមេត្តាទាក់ទងយើងខ្ញុំដើម្បីចុះឈ្មោះជាអតិថិជន។ ការិយាល័យរបស់យើងគឺបើកទ្វារពីថ្ងៃច័ន្ទដល់ថ្ងៃសុក្រពីម៉ោង ៩ ព្រឹកដល់ម៉ោង ៥ ល្ងាច។ ដើម្បីចុះឈ្មោះសូមទូរស័ព្ទមកលេខ៖

(+៦៦) ០២១-១៦០-៤០៥, (+៦៦) ០២១-១៦០-៤០៦  or (+៦៦) ០៨៦-៣៩៨-១០១៦
អ៊ីម៉ែល៖info@capthailand.org

ប្រសិនបើលោកអ្នកត្រូវការអ្នកបកប្រែភាសាដើម្បីនិយាយមកកាន់បុគ្គលិករបស់យើងខ្ញុំ សូមលោកអ្នកនិយាយភាសាខ្មែរ តាំងពីដំបូងពេលចាប់ផ្តើមហៅទូរស័ព្ទ។ នៅពេលដែលយើងរកអ្នកបកប្រែភាសាខ្មែរបាន, យើងខ្ញុំនឹងទូរស័ព្ទទៅរកអ្នកវិញ។ ប្រសិនបើលោកអ្នកចង់ប្តឹងឧទ្ធរណ៍ជំទាស់ការសម្រេចចិត្តរបស់អង្គការ UNHCR សូមចងចាំថាមានពេលតែ​ ៣០ ថ្ងៃប៉ុណ្ណោះដើម្បីធ្វើការដាក់ពាក្យសុំ។ សូមទាក់ទងយើងខ្ញុំឲ្យបានឆាប់បំផុតបន្ទាប់ពីអ្នកទទួលបានការសម្រេចចិត្តហើយ។